banner
banner

Gündəm

“Kistoz Fibrozda Genetik Problemlər” mövzusunda seminar keçirilib

“Kistoz Fibrozda Genetik Problemlər” mövzusunda seminar keçirilib

28 sentyabr 2018-ci il tarixində Hilton Otelində “Sağlam Ailə” Tibb Mərkəzi, Gürcüstanın Genetik və Nadir Xəstəliklər Birliyi, Kistik Fibroz Xəstələrinə Yardım İctimai Birliyinin təşkilatçılığı ilə “Kistoz Fibrozda Genetik Problemlər” mövzusunda seminar keçirilib.

Kistoz fibroz mukovisidozun transmembran requlyasiyaedici geninin (CFTR) mutasiyası nəticəsində baş verən, xarici sekresiya vəzilərinin zədələnməsi, tənəffüs və həzm sistemi orqanlarının funksiyalarının ciddi pozulmaları ilə irsi sistem xəstəliyi kimi xarakterizə olunur. Xəstəliyin əsas səbəbi 7-ci xromosomda yerləşmiş gen mutasiyasıdır. Əhalinin hər 20 nəfərindən birində bu gen mutasiyası var və bu şəxslər xəstəliyin daşıyıcısı hesab olunur. Hər iki valideyindən mutasiyalı genin ötürülməsi nəticəsində xəstə uşaq dünyaya gəlir.

Tədbirin açılış nitqi Azərbaycan Tibb Universiteti Tədris Terapevtik Klinikasının həkimi, professor Surxay Musayev tərəfindən edilib. S. Musayev nitqində nadir xəstəliklər və Kistoz Fibroz mövzunun aktuallığına diqqət çəkib. Daha sonra Kistik Fibroz Xəstələrinə Yardım İctimai Birliyinin təsisçisi, Türkiyə və Avropa Uşaq Endokrin Cəmiyyətinin üzvü uzman doktor Azad Əkbərzadə öz çıxışında KİFYİB-in fəaliyyətindən və bu tip seminarların önəmindən bəhs edib.

Biologiya və Tibbi Genetika İnstitutunun sədri və Çarles Universitetinin Milli Kistoz Fibroz Mərkəzinin rəhbəri professor Milan Macek “Şərqi Avropa, Orta Şərq və Mərkəzi Asiyada CFTR genotiplənməsi” və “ECFS ( Avropa Kistoz Fibroz Cəmiyyəti) reyestrlərinin icmalı” mövzularını əhatə edən çıxışı ilə seminar iştirakçılarına ətraflı məlumat verib.

 

Daha sonra DNA-Diaqnostika Laboratoriyasının rəhbəri və Tibbi Genetika üçün Milli Tədqiqat Mərkəzinin üzvü professor Aleksander Polyakov öz çıxışında “Rusiyada Kistoz Fibrozun DNT diaqnostikasında 20 illik təcrübə tez-tez rast gəlinən mutasiyalar”mövzusuna diqqət çəkib.

Seminarda çıxış edən Gürcüstan Genetik və Nadir Xəstəliklər Birliyinin rəhbəri professor Oleg Kvilividze seminarın keçirilməsini yüksək dəyərləndirərək “Gürcüstanda Kistoz Fibrozun hazırki vəziyyəti haqqında məlumat verib.

“Sağlam Ailə” Tibb Mərkəzinin direktoru Vüqar Eyvazov rəhbərlik etdiyi müəssisənin tibbi xidmətlər göstərməklə yanaşı, eyni zamanda mütəmadi olaraq maarifləndirmə istiqamətində görülən işlərindən bəhs edib.

Tədbirin sonunda iştirakçılara spikerlərin imzası ilə sertifikat təqdim edilib.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.