Macarıstanın Erməni Milli Özünüidaretmə adlı təşkilat ölkə parlamentindəki təmsilçisi Tamaş Turdyanı deputat mandatından imtina etməyə çağırıb.
Azərbaycanın Macarıstandakı səfirliyindən APA-ya verilən məlumata görə, təşkilatın yaydığı xüsusi bəyanatda bildirilir ki, T. Turdyan Macarıstan parlamentinə namizədlərin irəli sürülməsi və seçkilər zamanı milli mənsubiyyəti məsələsində erməni icmasını aldadıb, habelə Macarıstan ermənilərinin maraqlarını təmsil edəcəyinə dair vədlərini yerinə yetirməyib.
Qeyd olunub ki, T. Turdyan icmanın köməyi ilə deputat mandatını əldə etsə də, işə başlayan andan fəaliyyətini Macarıstanın Erməni Milli Özünüidaretmə təşkilatı ilə razılaşdırmır və erməniləri parlamentdə layiqincə təmsil etmir. Bu üzdən də sözügedən qurum T. Turdyana ultimatum irəli sürüb. Belə ki, T. Turdyan deputat mandatından imtina etməsə, Macarıstanın Erməni Milli Özünüidaretmə təşkilatı onun boykot edilməsi, habelə etirazını bildirmək üçün bütün legitim imkanlardan istifadə edəcək.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.