Demək olar ki, hər gün üçün xüsusi bir doodle hazırlayan dünyanın ən böyük virtual axtarış sistemi “Google” Çanaqqala zəfərinin 100-cü ildönümünü görməməzliyə vurdu.
ANS PRESS-in məlumatına görə, hər gün milyonlarla istifadəçinin daxil olduğu “Google” ötən il də analoji addımı ataraq Çanaqqala zəfərini xatırlamamışdı.
Digər virtual axtarış sistemi olan “yandex.com.tr” isə ilk səhifəsində Çanaqqala zəfərini əks etdirən 3 ölçülü şəkil yerləşdirib və “Dur yolçu! Bilmədən gəlib basdığın bu torpaq, bir dövrün batdığı yerdir!” misraları yazılıb.
“Google”un bu addımı yerli ictimaiyyət tərəfindən birmənalı qarşılanmayıb. Türkiyəli bir çox sosial şəbəkə istifadəçisi bunu qəsdən atılmış addım kimi qiymətləndirib. Bəziləri isə “Google”un bu günü unutduğunu bildirib.
"“Google”un görməməzliyə vurduğu Çanaqqala zəfəri üçün yandex.com.tr gözəl bir səhifə hazırlayıb. Təbriklər yandex".
“Çanaqqalanın ildönümünü unudan “Google”un inadına gözəl bir səhifə hazırlayan "yandex"i təbrik edirəm”.
“Zəncirbəndin ildönümünü unutmayan “google” Çanaqqalanı unudub. Özünə xidmət”.
“Diş çöpünün icad olunduğu günü xatırlayan “google” Çanaqqala zəfərini unutdu deyəsən”.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.