banner
banner

Gündəm

Tanınmış veteran jurnalist vəfat edib

Tanınmış veteran jurnalist vəfat edib

Mətbuat Şurası veteran jurnalist Oqtay Cəfərovun ölümü ilə bağlı nekroloq yayıb.

Şuradan Trend-ə verilən məlumata görə, nekroloqda deyilir:

"Tanınmış veteran jurnalist Oqtay Cəfərov ömrünün 85-ci ilində vəfat edib. Mərhumun doğmalarına və əzizlərinə dərin hüznlə başsağlığı verir, kədərlərini bölüşürük.

O.Cəfərov 1952-ci ildə Bakı Dövlət Universitetinin jurnalistika şöbəsinin ikinci buraxılışının məzunu olub. Jurnalist fəaliyyəti müddətində Göyçay rayonunda çıxan yerli qəzetin, Sumqayıtın "Kimyaçı" qəzetinin, "İnşaatçı" qəzetinin, həmçinin "Müxbir" jurnalının baş redaktoru olub.

 

Ömrünün 60 ili mətbuatda keçmiş O.Cəfərov jurnalist peşəsinə hədsiz sədaqət, prinsipiallıq nümunəsidir. O, eyni zamanda ziyalı keyfiyyətləri ilə də cəmiyyətdə tanınıb. Veteran jurnalisti səciyyələndirən mühüm xüsusiyyətlərdən biri də onun gənc nəslə hər zaman qayğı ilə yanaşmasıdır. O.Cəfərov neçə-neçə tanınmış qələm sahibinin peşəkar kimi yetişməsində müstəsna rol oynayıb.

Hər zaman təşəbbüskarlığı, fəallığı, səriştəli idarəçilik qabiliyyəti ilə seçilmiş O.Cəfərovun yoxluğunu qəbul etmək olduqca ağırdır, üzücüdür. Azərbaycan Mətbuat Şurasının İdarə Heyətinin üzvləri bir daha mərhumun doğmalarına, əzizlərinə, həmkarlarına və dostlarına başsağlığı diləklərini çatdırır, səbr diləyirlər.

Allah rəhmət eləsin!"



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.