Böyük Britaniyadan olan poçtalyon lotereya udaraq birdən-birə varlansa da, onu tənhalıq əldən salıb. O, bahalı evini sataraq Avstraliyaya köçmək və yeni həyata başlamaq istəyib. 2012-ci ildə 42 yaşlı poçtalyon Adrian Beyforad lotereyada 148 milyon funt sterlinq udub. Həmin vaxt o, qədim qraflıq olan Suffolka köçüb və orada 6.5 milyon funt sterlinqə ev alıb. Keçmiş poçtalyon daha sonra bu evə xeyli məsrəf qoyaraq bəzəyib, bahalı aksesuarlar alıb.
Lotereyanı udandan 15 ay sonra arvadı boşanmaq üçün ərizə verib. Daha sonra Beyfordun kolbasa fabrikinin bir işçisi ilə müntəzəm davam edən münasibəti olub, ardınca daha bir qadınla sevgili olub. Ötən il son sevgilisi də onu tərk edib və dəyəri 300 min funt sterlinq olan hədiyyə atını da götürüb. Üçüncü sevgilisi də onu xəyanət etdiyinə görə atıb. Qız onu telefonunda vaxtilə şəxsi sürücüsü olmuş bir qadınla intim yazışmasını oxuyandan sonra atıb.
Beyforadın dostlarının iddiasına görə, varlılıq şəxsi həyatı təşkil etməkdə ona mane olur. Səbrini daşıran son damla isə keçmiş arvadının ərə getməsi olub. Bundan sonra o, qərarlaşdırıb ki, nə etməlidir: “Son nəticədə o, bu pulları başqa insanları xoşbəxt etmək üçün sərf etməyi qərarlaşdırıb. Hesab edirəm ki, o, onu xoşbəxt etməyən əşyalara həddən artıq pul xərclədiyini düşünüb”, - bunu da The Sun qəzetinə mənbələrdən biri açıqlayıb.
Hazırda Beyforad öz villasını satmağı planlaşdırıb. O, artıq son 6 ildə aldığı atlardan qurtulub. Bundan başqa, eks poçtalyon öz musiqi mağazalarını da bağlayıb. Hazırda o, Avstraliyaya köçməyə və “başqa insan olmağa” hazırlaşır: “Onun dostları narahatdır ki, o, nə qədər uzağa və dərinə gedə bilər. O, öz planları barədə hətta ən yaxın adamlarına, dostlarına da hər hansı informasiya verməyib ki, bu da çox qəribədir”.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.