Türkiyə Superliqası: səfərdə qalib gələn “Başakşəhər” liderliyini möhkəmləndirib
Noyabrın 26-da futbol üzrə Türkiyə Superliqasının XIII turunun sonuncu oyununda çempionatın lideri “Başakşəhər” komandası səfərdə “Göztəpə” ilə qarşılaşıb.
AZƏRTAC xəbər verir ki, matçda superliqanın ən az qol buraxan komandası olan "Başakşəhər” rəqib qapısından 2 cavabsız top keçirib.
Qonaqların heyətində 9-cu dəqiqədə bosniya və herseqovinalı yarımmüdafiəçi Edin Viska (penalti), 73-cü dəqiqədə isə Rijad Bajic fərqləniblər.
Bu qalibiyyətdən sonra hesabındakı xallarının sayını 30-a çatdıran Abdulla Avcının komandası turnir cədvəlində liderliyini möhkəmləndirib.
Qeyd edək ki, İstanbul təmsilçisi oynadığı son dörd çempionat matçında qələbə qazanıb və 10 həftədir məğlub olmur.
Xatırladaq ki, bu tur çempionluq uğrunda yarışan komandalardan “Qalatasaray” öz meydanında “Konyaspor”u məğlub edə bilməyib – 1:1. “Beşiktaş” komandası səfərdə “Ankaragücü”yə 4:1 hesabı ilə qalib gəlib.
“Trabzonspor” komandası isə öz meydanında “Fənərbağça”dan 2:1 hesabı ilə üstün olub.
On üç turdan sonra “Başakşəhər” komandası 30 xalla turnir cədvəlinə başçılıq edir. “Kasımpaşa” (25 xal) ikinci, “Qalatasaray” (24 xal) üçüncü yeri tutur. 21 xala malik olan “Beşiktaş” və “Yeni Malatyaspor” komandaları dördüncü, beşinci pilləni bölüşürlər.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
