banner
banner

Gündəm

Qarabağ Komitəsindən mitinqlə bağlı açıqlama

Qarabağ Komitəsindən mitinqlə bağlı açıqlama

Xəbər verdiyimiz kimi, Qarabağ Komitəsi 15 dekabra yeni Qarabağ mitinqi təyin edib. Mitinqin Bakı şəhərində “Məhsul” stadionunda saat 15.00-17.00-dək “Qarabağa azadlıq!”, “İşğala son!” şüarları ilə keçirilməsi qərara alınıb. Mitinqə hazırlıq işlərinə artıq bir neçə gündür başlanılıb. Qarabağ Komitəsinin İşçi qrupunun üzvü, AXP sədri Pənah Hüseyn isə sosial şəbəkə vasitəsilə 15 dekabr mitinqi ilə bağlı çağırış edib. P.Hüseyn bildirib ki, Qarabağ Komitəsi 10 min adamın iştirakı ilə mitinq keçirmək barədə qərar verib və mitinqə hazırlıq başlanıb.

Xatırladaq ki, Qarabağ Komitəsi ilk Qarabağ mitinqini sentyabrın 29-da Bakı Şəhər İcra Hakimiyyətinin razılığı ilə “Məhsul” stadionunda keçirib. İkinci mitinqini isə 24 noyabra eyni ünvana təyin etmişdi. Lakin Bakı Şəhər İcra Hakimiyyəti mitinqin keçirilməsini məqsədəuyğun hesab etmədi. Qarabağ Komitəsi qarşıdurma yaranmasını istəmədiyini əsas göstərərək razılaşdırılmamış mitinqə getməmişdi.

15 dekabra təyin olunan mitinq üçüncü mitinqdir. BŞİH-in bu dəfə razılıq verib-verməyəcəyi hələlik bəlli deyil.

Bakı Şəhər İcra Hakimiyyətinin 24 noyabra təyin olunmuş mitinqə razılıq verməməsindən az sonra Qarabağ Komitəsinin 15 dekabra mitinq təyin etməsi maraqla qarşılanıb. Yenə də meriyadan eyni cavabın gələcəyi ehtimalının yüksək olduğunu Qarabağ Komitəsi də yəqin ki, bilir. O zaman nədən yenidən mitinq təyin etdikləri barədə sual meydana gəlir?

Qarabağ Komitəsinin İşçi Qrupunun üzvü, Qarabağ Azadlıq Təşkilatının sədri Akif Nağı bildirdi ki, 15 dekabra yenidən mitinq təyin olunması Qarabağ Komitəsinin qərarıdır. Bu qərarın qəbul olunmasında məntiq davamlı mitinq ideyası ilə bağlıdır: “Hesab edirik ki, Qarabağ mitinqinin keçirilməsinə icazə verilməlidir. Hakimiyyət bu müraciətlərə diqqətlə yanaşmalı və bizim xoş niyyətimizi, Qarabağın azadlığı naminə çalışdığımızı nəzərə almalıdır. Mitinqlə bağlı müraciətlərimizi icazə verilənədək davam etdirəcəyik”.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.