ABŞ-ın Ohayo ştatının sakini ömründə ilk dəfə lotereya oynayıb və böyük mükafatı qazanıb.
Bu barədə “UPI” saytı məlumat verib. Amanda Koks anasından yeni il hədiyyəsi olaraq lotereya alıb. Qadın bayramı gözləmədən qoruyucu qatı təmizləyib və 20 min dollar qazandığını görüb. Bu hadisəyə qədər Koks heç bir dəfə də olsun, lotereya bileti almamışdı və ümumiyyətlə, lotereya oynamamışdı. O, bu vəsaiti təhsili üçün xərcləməyi planlaşdırır. Bundan başqa, qadın istisna etmir ki, bu pulun bir hissəsini də yeni maşın almaq üçün sərf edəcək.
2016-cı ildə xəbər verilib ki, Amerikanın Minnesota ştatı sakini bir il öncə 1 milyon dollar, həmin il isə 874 min dollar udub.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.