Dil nə zaman qanayır? - Təhlükəli xəstəliklərin əlaməti
Dil qanaxması təhlükəsiz kimi görünsə də, əslində narahat olunmalı məqamdır və ciddi müalicə tələb edən patologiyalardan xəbər verə bilər.
Milli.Az medicina.az-a istinadən bildirir ki, stomatoloqlar dil qanamalarının ən çox rast gəlinən səbəbinin herpes olduğunu deyir.
Bu səbəblər sırasına zədəni - məsələn dilin dişlənməsini də daxil etmək olar. Stomatitin bəzi növləri zamanı xarakterik olaraq ağız boşluğunun müxtəlif hissələrində zədə və infeksiya səbəbindən meydana çıxa bilir. Bəzən isə yaraların əmələ gəlməsi daxili orqanların, məsələn bağırsağın iltihabı ilə əlaqədar ola bilər. Bir qayda olaraq ağızda olan tək yara xəstədə heç bir narahatlıq və təşviş doğurmur.
Ağız boşluğunun kandidozu maya göbələyi infeksiyasının təsirindən yaranır. Adətən dil üzərində ağ rəngli nazik təbəqə kimi meydana çıxır. Asanlıqla yuyulur və xarakterik iyə malik olur. Bu zaman da ağızın selikli qişasında qanayan yaralar əmələ gələ bilər. Göbələk infeksiyası yüngül, orta və ağır olmaqla 3 dərəcəyə ayrılır. Ağır halda qızdırma verə və xəstənin əlvalı pisləşə bilər.
Herpes - bu virusun təsiri ilə təkcə dodaq və burun kənarları deyil, həmçinin ağızın içi də zədələnə bilər. Herpesin geniş yayılmasına baxmayaraq ağız içi herpesə çox az hallarda rast gəlinir. Xəstələr qida və su qəbul etməkdə çətinlik çəkirlər, qızdırmaları artır, əhval-ruhiyyələri pisləşir. Bəzi hallarda xəstəni xəstəxanaya yatırmaq tələb olunur.
Qan damarlarının anomaliyası - hemangioma. Bu damarların xoşxassəli şişidir, daha çox uşaq yaşlarında meydana gəlir. Bu cür patologiyalar qanaxma, ağrı, qida qəbulunun çətinləşməsi kimi fəsadlara yol aça bilər.
Xərçəng - bu, az yayılmış xərçəng növlərindəndir. Əlamətlərinə qanaxma, udqunma zamanı ağrı, dildə qalınlaşma, ağız boşluğunun keyiməsi aiddir. Xəstəliyin vaxtında aşkarlanması onun tam maülicəsinin əsas şərtidir.
Buna görə də ağızda qanaxma və sadalanan digər əlamətlər zamanı mütləq stomatoloqa müraciət edərək müayinə olunmaq lazımdır
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.