İspaniya Kubokunun yarımfinalında “Barselona” səfərdə Madrid “Real”ını darmadağın edərək 3:0 (iki oyununun nəticəsinə görə (4:1) turnirin finalına çıxıb.
Oxu.Az-ın məlumatına görə, ilk hissə kral klubunun üstünlüyü ilə keçib.
Kərim Benzema və Vinisius Junior qol vəziyyətlərindən istifadə edə bilməyiblər.
İkinci hissənin əvvəllərində “Barselona” hesabı açıb. Matçın 50-ci dəqiqəsində Usman Dembelenin ötürməsindən sonra Luis Suarez adını tabloya yazdırıb.
Qarşılaşmanın 69-cu dəqiqəsində “Real”ın müdafiəçisi Rafael Varan topu öz qapısına göndərərək hesab arasındakı fərqi artırıb. Bir neçə dəqiqə sonra isə Suarez özü qazandığı penaltini dəqiq yerinə yetirib (73-cü dəqiqə).
İspaniya Kubokunun finalında “Barselona”nın rəqibi “Betis”-“Valensiya” cütlüyünün qalibi olacaq. Bu komandalar arasında ilk oyun 2:2 hesabı ilə başa çatıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
