Bankirin dələduz oğlundan müğənnilərə bahalı hədiyyə
“Texnikabank”ın Bakı filialının sabiq müdiri Zal Yusifovun oğlu İslam Yusifov Bakı Apellyasiya Məhkəməsinin qərarı ilə azadlığa çıxar-çıxmaz köhnə adətlərinə davam etməyə başlayıb.
Axar.az xəbər verir ki, hələlik məhkumluq həyatı tam bitməsə də, hazırda Bakı küçələrində bahalı avtomobili ilə şütüyən İ.Yusifov daha bir əyləncəsini “bərpa edib”. O, Azərbaycanın bir sıra tanınmış müğənnilərinə bahalı hədiyyələri göndərib.
Həmin hədiyyələri müğənnilərə çatdıran şəxs İslam Yusifovun bunu Novruz bayramı münasibətilə göndərdiyini xatırladıb.
İslam Yusifov hələ istintaq zamanı atası ilə birgə vətəndaşlardan mənimsədiyi pulların bir qismini müğənnilərə xərclədiyini etiraf etmişdi. Hətta müğənnilərdən birinə üst-üstə təxminən 7 milyon dollar bağışladığını bildirmişdi. Həmin müğənni istintaqa cəlb olunsa da, sonradan əmlakına həbs qoyulmadı və məsuliyyətdən azad edildi.
İ.Yusifov da zərərçəkmişlərə vurduğunu ziyan ödənmədən azadlığa çıxmağa müəssər olub. İ.Yusifov atasının başçılıq etdiyi 15 nəfərlik dəstədə mühakimə olunub. İstintaq sənədlərinə görə, “Texnikabank”ın Bakı filialının sabiq rəhbəri Zal Yusifov digər şəxslərlə birlikdə cinayət əməli törədib. O, 81 müştərinin banka qoyduğu təxminən 38 milyon manat pulu mənimsəyib.
Ağır Cinayətlər Məhkəməsinin hökmü ilə Zal Yusifov əmlakı müsadirə olunmaqla 15 il müddətinə azadlıqdan məhrum edilib. Zal Yusifovun oğlu İslam Yusifova isə 8 il həbs cəzası verilib. Birinci məhkəmə instansiyası İslam Yusifovu atası ilə birlikdə əlbir olmaqda ittiham edib.
Ali Məhkəmənin mətbuat xidmətinin rəhbəri Allahverdi Məmmədli bildirib ki, dələduzluq cinayətləri ilə məhkum olunan şəxslərin zərərçəkmişlərə dəymiş ziyanın ödənilmədiyi halda azadlığa buraxılması qanunsuzdur.
Beləliklə, qanunsuz olaraq azadlığa çıxan şəxs ziyan vurduqlarının hesabına yenidən əyləncəli həyatını davam etdirir.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.