Türkiyədə girov götürülən prokurorun ölümü ilə nəticələnən terror hadisəsinə Fətullah Gülənə bağlı “Samanyolu” tele kanalının xəbər aparıcısı dəstək nümayiş etdirib.
ANS PRESS-in məlumatına görə, aparıcı Asim Yıldırım terror hadisəsini törədən “DHKP-C”nin orqanı olan “Xalqın səsi” kanalının sosial şəbəkədə yazdığı mesajı öz səhifəsində paylaşıb.
Qeyd edək ki, tele kanalın twitter səhifəsində, “DHKP-C döyüşçüləri Berkin Elvanın hesabını soruşmaq üçün hazırda Çağlayan məhkəməsində aksiyadadırlar” mesajını yazıblar. Yıldırım isə bu mesajl retweet edib.
Asim Yıldırım məruz qaldığı kəskin reaksiyalardan sonra mesajı öz twitter səhifəsindən silib.
Xatırladaq ki, ötən gün Türkiyənin İstanbul şəhərində “Gəzi parkı” aksiyalarından polis tərəfindən öldürülən Berkin Elvanın işini aparan prokuror Mehmet Kiraz DHKP-C terrorçuları tərəfindən girov götürülmüşdü. Keçirilən əməliyyat zamanı 3 terrorçu məhv edilib, ağır yaralı vəziyətdə xəstəxanaya çatdırılan prokurorun isə həyatını xilas etmək mümkün olmayıb.
Asim Yıldırım daha əvvəl jarqon ifadələrlə ölkə prezidenti Rəcəb Tayyib Ərdoğanı da twitter səhifəsində təhqir etmişdi.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.