Ət kəsim məntəqələrində dezinfeksiya işlərinə başlanılıb
Bu gün səhər saatlarından etibarən Kənd Təsərrüfatı Nazirliyi yanında Aqrar Xidmətlər Agentliyi (AXA) Qurban bayramı ilə əlaqədar bütün ət kəsim məntəqələrində dezinfeksiya işlərinə başlayıb.
Bu barədə Trend-ə Nazirliyin İctimaiyyətlə əlaqələr və informasiya təminatı şöbəsinin müdiri Vüqar Hüseynov deyib.
V.Hüseynov bildirib ki, dünən axşam çadır tipli kəsim məntəqələri sökülüb, ərazi icra hakimiyyətlərinin müvafiq qurumları tərəfindən tullantılardan təmizlənib:
“Ərazilər təmizlənəndən sonra bizə təhvil verilib və artıq bu gün səhər saatlarından AXA-nın texnikası dezinfeksiya işlərinə cəlb olunub. Hazırda Xətai rayonunda yerləşən ət kəsim məntəqələrində dezinfeskiya işləri aparılır. Növbəli şəkildə bu günün sonuna qədər bütün ərazilərdə dezinfeksiya işləri yekunlaşacaq. Bu işlər ödənişsiz həyata keçirilir”.
Qeyd edək ki, Qurban bayramı günlərində heyvan kəsiminin müvafiq qaydada həyata keçirilməsini təmin etmək üçün respublika üzrə 44 stasionar və 30 çadır tipli kəsim məntəqəsi vətəndaşların ixtiyarına verilmişdi.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.