Məryəm Səfərova: Bu mənim ilk Dünya Çempionatımdır, yarışlarda çıxış etməkdən xoşum gəldi
Bu mənim ilk Dünya Çempionatımdır, yarışlarda çıxış etməkdən xoşum gəldi. Bunu Trend-ə 37-ci Bədii Gimnastika üzrə Dünya Çempionatının təsnifat mərhələsində çıxışından sonra Azərbaycan gimnastı Məryəm Səfərova deyib.
M.Səfərova bildilrib: "Çempionata hazırlaşmaq üçün yalnız bir ay müddətim olub. Mən digər Azərbaycan gimnastını əvəz etdiyim üçün yarışların iştirakçılarına gözlənilmədən qoşuldum. Psixoloji olaraq məşqlərdə çətin idi, lakin düşünürəm ki, ilk Dünya Çempionatımda çıxışımı bacardım. Tamaşaçılar çox yaxşı dəstək verdi".
Qeyd edək ki, Milli Gimnastika Arenasında keçirilən dünya çempionatına Azərbaycan 9 gimnastla qatılıb. Fərdi proqram üzrə yarışlarda Zöhrə Ağamirova, Veronika Qudis, Yelizaveta Luzan və Məryəm Səfərova güclərini sınayacaqlar. Qrup hərəkətlərində isə komandamızın heyətində Ayşən Bayramova, Diana Əhmədbəyli, Aliyə Paşayeva, Zeynəb Hümmətova və Darya Sorokina yer alıblar.
61 ölkədən 300-dən artıq gimnast çempionatda 9 dəst medal uğrunda mübarizə aparacaq.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
