"Yuventus"un sabiq baş məşqçisi Massimiliano Alleqri "Mançester Siti"nin çalışdırıcısı Pep Qvardiolanın oyun üslubu haqda danışıb.
Qol.az İtaliya mətbuatına istinadən xəbər verir ki, o, həmkarının Kataloniya klubunda çalışdığı zaman oynatdığı "tiki-taka" (topu qısa və sürətli ötürmələrlə bir-birinə ötürüb, daim nəzarət etmək) futbolunun hər kəsə uyğun olmadığını söyləyib:
"Əks-hücum futbolunun möhtəşəm şəkildə geri döndüyünü görürəm. 20 il ərzində səhvən Qvardiolanı izləmişik. Onun futbolu hər kəsə görə deyil. Bunun üçün İnyesta, Xavi, və Messi kimi oyunçuların olmalıdır".
