Amerika Birləşmiş Ştatlarının Kentukki ştatında daşqın həyatı iflic edib. Kentukki ştatının qubernatoru Stiv Beşir leysan yağış və daşqınlarla əlaqədar ştatda fövqəladə vəziyyət rejimi elan edib. Təbii fəlakət nəticəsində Kentukkidə 2 qadın həyatını itirib. Fövqəladə vəziyyət rejiminin tətbiqi təbii fəlakət zonasında polis, hərbçilər, yanğınsöndürənlər və könüllülərin iştirakı ilə xilasetmə tədbirləri həyata keçirilir. Ən çox ziyan ştatın Luisville şəhərinə dəyib. Burada 16 santimetr hündürlüyündə yağıntı düşüb. Şəhərin əsas yolu bağlanıb, yollarda qalan 160 nəfər xilas edilib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.