banner
banner

Gündəm

Mirələmovun “möhtəşəm” Xəzər uzaqgörənliyi...

Mirələmovun “möhtəşəm” Xəzər uzaqgörənliyi...

Hüseynbala Mirələmov Xətai rayon 33 saylı birinci seçki dairəsindən yenidən deputatlığa namizəddir.

Bu o Mirələmovdur ki, dünyada gedən iqtisadi böhrana “Azdır, az yeyin, çox yemək insanı tez qocaldır” kimi “şedevr”lə şərh vermişdi.

Mənim Hüseynbala müəllimlə heç bir qərəzim, problemim yoxdur. Məsələ çox sadədir. Prezident İlham Əliyev ölkədə gəncləşdirmə islahatının önəmindən danışır, bunu xüsusi vurğulayır. Mirələmov da çıxışlarında Prezidentin siyasi kursunu dəstəklədiyini iddia edir. Bəs, belədə bu il 75 yaşı tamam olacaq Mirələmov niyə namizədliyini bir daha irəli sürdü?

Onu da xüsusi vurğulayaq ki, Hüseynbala Mirələmov nə deputat kimi, nə də islahatların təbliğində aktivliyi ilə seçilir. Əksinə, Hüseynbala müəllimin adı daim inanılmaz qalmaqallarda səslənir.

Məsələn, Ekologiya və Təbii Sərvətlər Nazirliyi aşkar etmişdi ki, deputatın istirahət mərkəzi bütün kanalizasiya sularını gizli olaraq Xəzər dənizinə axıdır.

Qəribə təsadüf, bu gün mətbuatda Xəzər dənizində suyun səviyyəsinin azalması haqda məlumat yayılıb. Hüseynbala müəllim öz müdrik uzaqgörənliyi ilə bu günləri görüb və vaxtında kanalizasiya sularını axıdıb gözəl Xəzərimizə!

Daha bir fakt: 2012-ci ildə H.Mirələmova məxsus istirahət məkanında onun qardaşı oğlu Rəşad Mirələmov Ramal Bayramovu güllələyərək öldürmüşdü.

Deputatın Panamada şirkətlərinin olduğu da iddialar sırasındadır və o özü bunu indiyədək təkzib etməyib.

Məncə, Mirələmov “panamasını” qoysun qabağına və yaxşı-yaxşı düşünsün. Allah ömür versin, artıq 75 yaşına çatıb. Aktiv siyasətdən geri çəkilib, öz yaradıcılığı ilə məşğul olsa, həm Azərbaycan xalqı qazanar, həm də, nə də olmasa, Azərbaycan ədəbiyyatı...

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.