banner
banner

Gündəm

Türkiyədəki dəhşətli zəlzələlər Azərbaycanda gözlənilir? - Bu zonalarda təhlükə var

Türkiyədəki dəhşətli zəlzələlər Azərbaycanda gözlənilir?

Azərbaycanda seysmik cəhətdən aktiv olan zonaların adları açıqlanıb.

Cia.az xəbər verir ki, bunu Oxu.Az-a açıqlamasında Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin Mətbuat xidmətinin rəhbəri Vüsalə Rafiqqızı bildirib.

Onun sözlərinə görə, Azərbaycan seysmik baxımdan aktiv zonada yerləşir:

“Abşeron yarımadasında quruda zəlzələ ocağı yoxdur, amma Xəzər dənizi aktiv seysmik zonadır. Orada tez-tez maqnitudası üç və üçdən yuxarı olan zəlzələlər baş verir. Bu zaman ictimaiyyəti məlumatlandırırıq, amma maqnitudası üçdən aşağı, hiss olunmayan təkanlar da bizim stansiyalarımız tərəfindən qeydə alınır”.

V.Rafiqqızı qeyd edib ki, Azərbaycan seysmik bölgədə yerləşsə də, əhalini narahat, təşviş altında saxlamaq düzgün deyil:

“Ölkə ərazisində Şamaxı-İsmayıllı ərazisi, Xəzər dənizi, Zaqatala-Şəki, cənubda Talış dağlıq hissəsi seysmik aktiv bölgələrdə yerləşir. Seysmik aktiv zona o demək deyil ki, orada nə vaxtsa zəlzələ olacaq. Bu zonalarla bağlı birmənalı fikir söyləmək çətindir.

Heç kim zəlzələnin olub-olmayacağı, gücü, ərazisini deyə bilməz. Sadəcə, aktiv bölgədirsə, müəyyən vaxtlarda təkanlar ola bilir. Dünyanın çox ölkəsi seysmik zonalarda yerləşir. Bizim qonşu ölkələr İran, Türkiyədə seysmik aktivliklər var”.

Qeyd edək ki, bir neçə gündür Türkiyə ərazisində zəlzələlər baş verir.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.