FİFA-nın sabiq vitse-prezidenti 5 milyon dollar rüşvət almaqda ittiham olunur
ABŞ Ədliyyə Nazirliyi FİFA-nın İcraiyyə Komitəsinin üzvlərini rüşvət almaqda ittiham edib.
Apasport.az saytının məlumatına görə, komitə üzvləri DÇ-2018 və DÇ-2022-nin meydan sahibinin seçilməsi zamanı müvafiq olaraq Rusiya ilə Qətərə səs verdiyi üçün rüşvət almaqda günahlandırılır.
İddia olunur ki, FİFA-nın sabiq vitse-prezidenti Cek Uorner DÇ-2018-lə bağlı Rusiyaya səs vermək üçün alınıb. Trinidad və Tobaqodan olan rəsmi ilə yanaşı, qvatemalalı Rafael Salqeroya da rüşvət təklif edilib.
DÇ-2022-nin Qətərə verildiyi səsvermədə Braziliya Futbol Konfederasiyasının sabiq prezidenti Rikardo Teyşeyra, Cənubi Amerika Futbol Konfederasiyasının 2019-cu ildə vəfat edən paraqvaylı rəhbəri Nikolas Leos və adı çəkilməyən daha bir iştirakçı rüşvət alıb.
Uornerə 5 milyon dollar verilib. O, bu vəsaiti 2010-cu ilin noyabrından 2011-ci ilin aprelinədək 20 müxtəlif yerdən köçürmələrlə alıb. Ödənişlər Kipr, Britaniya Virciniya adalarında olan offşor şirkətlər vasitəsilə gerçəkləşib. Salqeroya 1 milyon dollar təklif olunub. Nazirliyin ittihamında sonuncuya bu məbləğin verilib-verilmədiyi göstərilməyib.
Həmçinin qeyd olunur ki, Uornerin köməkçisi 2010-cu ilin noyabrında elektron məktub alıb. Həmin sənəddə adı açıqlanmayan şəxs Uornerə razılaşmanı yerinə yetirməyi məsləhət görüb.
Qeyd edək ki, 2015-ci ildə Uornerin futbolla bağlı fəaliyyətinə ömürlük qadağa qoyulub.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
