Məşhur italyan jurnalisti Nikolo Skira bildirib ki, "Milan"ın 3 futbolçusunun koronavirus testi müsbət nəticə verib.
“Report”un məlumatına görə, bu barədə o, özünün “Twitter”dəki səhifəsində yazıb.
Jurnalist qeyd edib ki, "Fiorentina" və "Sampdoriya"da yoluxma hallarından sonra A Seriyası mövsümünün davam etdirilməsi ehtimalı azdır.
"COVID-19 pandemiyası futbol dünyasında güclənir. “Fiorentina”da altı və “Sampdoriya”da dörd yoluxma hadisəsindən sonra koronavirus indi COVID-19 teslərinin üçünün müsbət nəticə verdiyi "Milan”da qeydə alınıb. A Seriyasının davam etdirilməsi daha da problematik olur", - o özünün “Twitter”dəki səhifəsində yazıb.
A Seriyası mövsümü martın 11-də koronavirus pandemiyasına görə dayandırılıb.
