banner
banner

Gündəm

120 azərbaycanlı Belarusdan Azərbaycana təxliyə olundu

120 azərbaycanlı Belarusdan Azərbaycana təxliyə olundu

Müxtəlif ölkələrdə yaşayan, işləyən, pandemiyaya görə vətənə geri dönə bilməyən və Belarusun paytaxtı Minskdə toplaşan azərbaycanlılar çarter reysi ilə Azərbaycana təxliyə ediliblər.

Bunu “Report”a açıqlamasında ölkəyə geri dönən həmvətənlərimizdən biri olan Nazim Məmmədov deyib.

Onun sözlərinə görə, Minskdən çarter reysi ilə təqribən 120 nəfər Azərbaycana qayıda bilib. “Onlar əsasən Norveç, İsveç, Yaponiya, Ukrayna və Belarusda yaşayan, işləyən Azərbaycan vətəndaşlarıdır. Mən özüm Minskə Ukraynadan gəlmişdim. Azərbaycana qayıtmaq üçün bu ölkədən Belarusa gələn azərbaycanlıların sayı ümumilikdə 10 nəfər idi".

N.Məmmədov Azərbaycan vətəndaşlarını təxliyə etmək üçün Minskdən Bakıya xüsusi çarter reysinin təşkil olunduğunu söyləyib: “Belarusda toplaşan həmvətənlərimizin ölkəyə qayıtmasına köməklik göstərilməsi üçün Prezident İlham Əliyevə, Birinci vitse-prezident Mehriban Əliyevaya, Diasporla İş üzrə Dövlət Komitəsinin rəhbərliyinə məktubla müraciət etmişdik. Məktubumuza müsbət cavab verildi və Azərbaycan gəlişimiz üçün çarter reysi təşkil edildi. Bu, birdəfəlik çarter reysi idi. Vətənə qayıtmağımıza dəstək göstərdiklərinə görə Prezident İlham Əliyevə, Birinci vitse-prezident Mehriban Əliyevaya minnətdarlığımızı bildiririk”.

Onun sözlərinə görə, Belarusda sərt karantin rejimi tətbiq edilməsə də, yerli diaspor təşkilatı onlar üçün bu şəraiti təmin edib.

“Diasporla İş üzrə Dövlət Komitəsi bizi hər cür şəraitlə təmin etmişdi, bütün ehtiyaclarımız ödənilirdi. Hər birimiz ayrıca otaqlarda qalırdıq, gündə 3 dəfə yemək verilirdi. Hazırda isə Azərbaycandayıq. Bakıda Olimpiya kəndində karantində qalırıq”, - N.Məmmədov vurğulayıb.

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.