Xəbər verildiyi kimi, aprel ayının 2-də Cənubi Kipr parlamenti 1915-ci il hadisələrinə dair erməni iddialarını inkar edənlərin cəzalandırılmasını nəzərdə tutan qanun layihəsini qəbul edib. Parlamentdə təmsil olunan bütün siyasi partiyaların birgə təqdim etdiyi layihəyə görə bu iddiaları inkar edənlərə 5 il həbs və 10 min avro pul cəzası tətbiq ediləcək.
AzNews.az xəbər verir ki, ATƏT-in Mətbuat Azadlığı üzrə təmsilçisi Dunya Miyatoviç qəbul edilən bu qanun layihəsindən narahat olduğunu bildirib.
Onun sözlərinə görə, tarixlə bağlı mübahisələri cinayət səviyyəsinə qaldırmaq ATƏT-ə üzv olan ölkələrin qəbul etdikləri anlaşmanı pozmaq deməkdir: "Müxtəlif xalqların və bölgələrin mədəniyyəti, tarixi haqqında müəyyən açıqlamaların qadağan edilməsi beynəlxalq ifadə azadlığına ziddir və onun standartlarını pozur. İnsanların sərbəst şəkildə ifadə etdikləri fikirləri yasaqlamaq ölkələrin milli strategiyasına xələl gətirir. Yaşadığımız müasir dövrdə söz və mətbuat azadlığı ən vacib məsələlərdən biridir".
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
