Türkiyənin "Eskişehir" klubunda 2010 - 2012 illərində çıxış edən və az müddətdə meydanda olan əcnəbi futbolçularla bağlı araşdırma aparılıb.
"Report" xəbər verir ki, "Anadolu" qəzetinin siyahısında Azərbaycan millisinin və "Qarabağ"ın sabiq müdafiəçisi Rəşad Sadıqov da var.
Nəşr bildirirb ki, 2010/2011 mövsümünün transferlərindən "Qarabağ"dan "Eskişehir"ə keçən Rəşad Sadıqov ən çox diqqət mərkəzində olan futbolçu olub. Lakin mövsümün əvvəlində komandaya qoşulan müdafiəçi qışda Türkiyədən ayrılıb.
38 yaşlı sabiq oyunçu Superliqada cəmi 5 oyunda 90 dəqiqə meydanda ola bilib. Sadıqov "Gençlerbirliği" "Fənərbağça" "Ankaragücü" "Karabükspor" ve "Başakşehir"lə matçlarda iştirak edib.
"Eskişehirspor"da ən az çıxış edən futbolçu isə macarıstanlı Akos Elekdir. 2012-ci ildə icarə əsasında "Videoton"dan komandaya keçən Macarıstan millisinin sabiq üzvü 3 matçda 32 dəqiqə iştirak edib.
Qeyd edək ki, 2011-ci ildən "Qarabağ"da çıxış edən Rəşad Sadıqov 2019/2020 mövsümünün sonunda karyerasını başa vurub. O, bir müddət öncə "Qarabağ"la vidalaşdığını da açıqlayıb. Sabiq müdafiəçinin "Zirə"yə baş məşqçi təyin olunacağı gözlənilir.
