Türkiyənin məşhur müğənnisi Halil Sezai Tuzlada qonşusu, 67 yaşlı Hüseyn Merici döydüyü üçün saxlanılıb.
Musavat.com xəbər verir ki, müğənni Anadolu Ədalət Sarayına polisin müşayiəti və vəkili ilə gətirilib. İki saat ifadəsi alınan sənətçi “silahla qəsdən yaralama” və “silahla hədələmə” maddələri üzrə həbs tələbi ilə məhkəməyə göndərilib. Sezai məhkəmənin qərarı ilə həbs edilib.
Qeyd edək ki, H.Sezai kirayə götürdüyü villada film çəkməsinə etiraz edən 67 yaşlı Hüseyn Mericə əsəbləşib və sözügedən şəxsə hücum edərək onu döymüşdü. O, hadisədən sonra İstanbul Polis Şöbəsinə aparılıb və ifadəsi alınmışdı.
Məşhur müğənninin yaşlı adamı döydüyü anın görüntüləri ötən gün mətbuatda yayılmış, səs-küyə səbəb olmuşdu.
H.Meric isə “Halil məni döyərkən kəlimeyi-şəhadət dedim. O da “Azan oxuyursan sən?”, - deyərək məni daha çox döydü”-, açıqlamasını vermişdi.



