banner
banner

Sosİal

MTRŞ televiziyalara tövsiyələr verib

MTRŞ televiziyalara tövsiyələr verib

Sentyabrın 27-də Ermənistan silahlı qüvvələrinin bölmələrinin bütün cəbhə boyu istiqamətlərdə mövqelərimizi ələ keçirmək məqsədilə genişmiqyaslı hərbi təxribatına qarşı Azərbaycan Ordusunun geniş əks-hücumu başlanıb. Həyata keçirilən tədbirlər ilə düşmənə layiqli cavab verilir.

Cia.az xəbər verir ki, bu Milli Televiziya və Radio Şurasının bəyanatında qeyd olunub.

Bildirilib ki, hərbi əməliyyatların getdiyi şəraitdə, internetin məhdudlaşdırılmasının zəruri olduğu bir zamanda, televiziya və radio kanallarından təqdim olunan informasiyanın əhəmiyyəti dəfələrlə artır.

“Belə bir şəraitdə Milli Televiziya və Radio Şurası olaraq ölkədə fəaliyyət göstərən teleradio yayımçılarına və subyektlərinə müraciət edir və aşağıdakı vacib məqamların nəzərə alınmasını xahiş edirik:

1) Təqdim olunan informasiya və məlumatlar, həmçinin, video reportajlar istisnasız olaraq rəsmi mənbələrə əsaslanmalıdır;

2) Sosial şəbəkələrdən istifadənin məhdudlaşdırılmasını və bunun nəticəsində əhali arasında yarana biləcək narahatlığın qarşısının alınmasının zəruriliyini nəzərə alaraq teleradio yayımçıları daha mütəmadi və operativ informasiya təqdim etməyə çalışmalıdırlar. Bunun üçün qaçan sətirlə informasiyanın təqdim olunmasından və ya qısa xəbər buraxılışlarından istifadə olunması tövsiyə olunur;

3) Cəbhə bölgəsindən gələn xəbərlərin əhalidə yarada biləcək narahatlığını nəzərə alaraq efir zamanı qəmgin proqramlardan imtina olunması, efirin nikbin ruhlu hərbivətənpərvərlik proqramları ilə zənginləşdirilməsi xüsusi əhəmiyyət daşıyır;

4) Xarici ölkələrin televiziya kanallarını retranslyasiya edən ödənişli platforma operatorlarından (kabel, İPTV, OTT və s.) xahiş olunur ki, proqramlarının redaksiya nəzarəti erməni dairələrinə mənsub olduğu ehtimal olunan xarici kanalların retranslaysının dayandırılması məsələsini nəzərdən keçirsinlər.

Milli Televiziya və Radio Şurası olaraq, bütün telaradio yayımçılarından və operatorlarından son vəziyyətə anlayışlı və həssas reaksiya vermələrini xahiş edirik. Allahdan Azərbaycan Ordusuna zəfər diləyirik!”.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.