Ermənilər Tərtərə 2 raket atdı, atəşkəs kəskin şəkildə pozuldu
Ermənistan Silahlı Qüvvələri atəşkəs rejimini hər ötən gün daha açıq şəkildə pozmaqda davam edir. 13 oktyabr səhərə yaxın Tərtər rayonu ərazisinə 2 raket zərbəsi endirilib. İtkilər barədə məlumat yoxdur.
Dağlıq ərazilərdə mövqe tutan erməni terrorçuları ərazilərimizə daldanacaqlar, dəmir-beton konstruksiyalı mövqelərdən atəş açır, raket zərbəsi endirir və qaçıb gizlənirlər. Ermənilərin gecə hucumuna Azərbaycan ordusunun hissələri qarşılıq verərək düşmənin atəş nöqtələrini hədəf alıb və susdurub.
2 saatlıq fasilədən sonra ermənilər yenidən dinc yaşayış məntəqələrini müxtəlif çaplı silahlardan atəşə tutub. Düşmən, əsasən, mülki əhalinin yaşadığı Tərtər şəhərini və ətraf yaşayış məntəqələrindəki evləri, məktəbləri, uşaq bağçalarını, xəstəxanaları hədəf götürməkdə davam edir. Bununla belə Azərbaycan ordusu düşməni qaçıb gizləndiyi yerlərdə belə məhv edir, zərərsizləşdirir. Azərbaycan ordusunun qarşısında acizliklərini əlisilahsız əhaliyə atəş açmaqla nümayiş etdirirlər. Hazırda Tərtər istiqamətində şiddətli döyüşlər gedir, düşmən mövqeləri ordumuzun şiddətli atəşi altındadır. Dağlıq ərazidəki düşmən mövqeləri üzərində qara buludlar müşahidə olunur. Bu, ordumuzun erməni terrorçularına endirdiyi mərmi zərbələrindən ayrılan bulud qatıdır. Düşmən törətdiyi müharibə cinayətlərinə görə ordumuz tərəfindən ən sərt şəkildə cəzalandırılır. Hazırda şiddətli döyüşlər davam edir.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
