UEFA Millətlər Liqasının hazırkı püşkatmasının yarımfinalının bütün iştirakçıları müəyyənləşdi.
Trend-in məlumatına görə, turnirin qrup mərhələsinin son oyunları noyabrın 18-də baş tutub.
1-ci qrupun qalibi İtaliya komandası oldu. Son turda İtaliya millisi səfərdə Bosniya və Herseqovina komandasını 2:0 hesabı ilə məğlub edib. Qrupun digər bir oyununda səfərdə Hollandiya millisi Polşa komandasını m'əğlub edib - 2:1. İtalyanlar yekunda 12 xal toplayıb, Hollandiyalı futbolçular ikinci (11 xal), Polşalılar üçüncü (7), Bosniyalılar dördüncü (2) yeri tutub. Bosniya və Herseqovina millisi B liqasına düşdü.
2-ci qrupda Belçika komandası sonuncu turda Danimarka komandasını məğlub edərək birinci oldu - 4:2. Başqa bir oyunda İngiltərə İslandiyanı 4-0 məğlub etdi. Belçikalılar yekunda 15 xal toplayıb, 10 xalla Danimarkalılar ikinci, İngiltərə komandası üçüncü (10), İslandlar dördüncü (0) yeri tutub. İslandiya növbəti Millətlər Liqasında B liqasında oynayacaq
Daha əvvəl Fransa və İspaniya milli komandaları Millətlər Liqasının yarım finalına vəsiqə qazanıb. Onlar turnirin üst divizionunun - A Liqasının sırasıyla 3 və 4 qruplarının qalibləri oldular.
