İranın cənubunda baş verən daşqınlar nəticəsində azı 7 nəfər ölüb, 950 nəfər xəsarət alıb.
“Report” İRİB-yə istinadən xəbər verir ki, bu barədə İranın Fövqəladə Hallar üzrə İdarəsi məlumat yayıb.
Bildirilib ki, 2 nəfər Buşəhr əyalətində, 5 nəfər isə Hürmüzqan əyalətində təbii fəlakətin qurbanı olub. 950 nəfər xəsarət alıb, 40 nəfər təxliyə edilib.
Məlumata görə, son günlər Xuzistan, Fars, Buşehr və Hürmüzqan əyalətlərinə leysan yağışı yağıb.
Qeyd edək ki, bu ilin aprelində İranda baş verən daşqınlar nəticəsində 20-dən çox insan ölmüşdü.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.