"ABŞ "İraq-Şam İslam Dövləti" (İŞİD) terror qruplaşmasının terrorçularını silah, ərzaq və pul ilə təchiz edir". "Report" TASS-a istinadən xəbər verir ki, bu bəyanatla İran Silahlı Qüvvələrinin Baş Qərargah rəisi general-mayor Həsən Firuzəbadi çıxış edib. "Biz məlumat əldə etmişik ki, Amerika təyyarələri İŞİD-in nəzarəti altında olan aeroportlardan eniş və uçuş üçün yararlanır. Birləşmiş Ştatların İŞİD qruplaşmasına silah, pul və ərzaq göndərməsi, sonradan isə bunu səhvən etməsi ilə bağlı üzrxahlıq etməsinə ehtiyac yoxdur. Amerikalılar sözdə İŞİD-lə mübarizə aparmaq istədiklərini bəyan edirlər, əməldə isə biz başqa şey görürük - onlar müşahidə edirlər", - deyə general bildirib. Onun sözlərinə görə, "artıq yaxın zamanlarda amansız terror dalğası həm ABŞ-ı, həm də Avropanı bürüyəcək". "Və biz ümid edirik ki, Amerika və Britaniya hökumətləri heç olmasa öz xalqları naminə İŞİD-ə qarşı mübarizə aparacaqlar", - deyə qərargah rəisi bildirib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.