Yaponiyada baş vermiş zəlzələdə xəsarət alanların sayı 153-ə çatıb
Yaponiyanın Honsü adasının şimal-şərqində, Fukusima prefekturası sahillərində baş vermiş 7,3 bal gücündə zəlzələ nəticəsində azı 12 nəfər ağır xəsarət alıb.
APA TASS-a istinadən xəbər verir ki, bunu Baş nazir Yoşihide Suqa parlamentin aşağı palatasının büdcə komissiyasında müzakirələri zamanı açıqlayıb. Onun sözlərinə görə, bununla da xəsarət alanların ümumi sayı 153 nəfərə çatıb, ölən olmayıb.
“Bu günə olan məlumata əsasən, mənə 12 nəfərin ağır yaralandığı bildirilib, 141 nəfərin xəsarəti isə nisbətən yüngüldür”, - Baş nazir belə deyib.
Baş nazirin sözlərinə görə, sürətli dəmir yolunun zədələnən hissələrindən birində qatarların hərəkəti hələ də bərpa edilməyib. Zəlzələ Honsü adasının şimal-şərqində magistral yolun dağılmasına səbəb olub.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.