banner
banner

Sağlamlıq

“Yoluxmaların artması gözlənilən idi” - Baş həkim

“Yoluxmaların artması gözlənilən idi” - Baş həkim

Son günlər koronavirusa yoluxanların sayında artım müşahidə edilir. Ölkəmizdə gündəlik yoluxma sayı yenidən 400-ü keçib. Yoluxmaların artması karantin rejiminin növbəti dəfə sərtləşdirilməsi məsələsini aktuallaşdırıb. 26 nömrəli Birləşmiş Şəhər Xəstəxanasının baş həkimi Tərlan Bəbirov Azvision.az -a açıqlamasında bildirib ki, ölkədə karantin rejiminin sərtləşdirilməsini, qapanmaların olmamasını istəyiriksə, mütləq hamı vaksinasiyadan keçməlidir.

"Qadağaların tətbiq edilməməsi üçün hamı peyvənd olunmalıdır. Bu, gələcəkdə problemlərin olmaması, ağır xəstələrin, ölüm hallarının çoxalmaması üçün vacibdir. Vaksinasiya ilə bağlı şayiələr gəzir. Lakin bunlar hamısı yalandır inanmaq lazım deyil".

T.Bəbirovun sözlərinə görə, mağaza, restoran və məktəblərin açılması səbəbindən yoluxmaların artması gözlənilən idi: "Vaksinasiya işi sürətlə getməlidir ki, insanlar yoluxmasın. Son günlər artımın olması təbiidir. Lakin biz vaksinasiya ilə bunu önləməliyik. Gecikmək olmaz. Əhali arasında maarifləndirmə vacibdir. Bizim həkimlər maarifləndirmə aparır, amma bu iş daha da sürətlənməlidir".

Xəstəxanada peyvənd mərkəzlərinin bayram günləri də açıq olacağını deyən baş həkim hər kəsi vaksinasiyaya dəvət edib.

"Bizim xəstəxanada bu günə qədər 1000-ə yaxın şəxs vaksinasiya olunub. Bura tibb işçiləri, 50 və 65 yaşdan yuxarı şəxslərin vaksinasiyası daxildir. Müraciət edənlər çoxdur və hamını peyvənd etməyə çalışırıq".

 


Daha tez məlumatlanmaq üçün Facebook səhifəmizi




Oxşar xəbərlər

Soyuq duş alın, görün nə baş verəcək

Mütəmadi olaraq soyuq duş qəbul etmək insanın fiziki və psixoloji vəziyyətini yaxşılaşdıra, xəstəliyə görə işə çıxmadığı günlərin sayını azalda bilər.

Qarın piylərindən xilas olmaq üçün 5 ərzaqlı resept

Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.

Armudun bilmədiyimiz faydaları

Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.