Kəmaləddin Heydərov generalı niyə işdən çıxarıb? - Məmur oğlunun qalmaqallı keçmişi
Fövqəladə Hallar naziri Kəmaləddin Heydərovun işdən çıxardığı general-mayor Ramin Cəfərov məmur oğludur.
General-mayorun atası Nazim Cəfərov 2001-2004-cü illərdə “Aztelekom”un rəhbəri olub. Hazırda Nazim Cəfərovun Nəqliyyat, Rabitə və Yüksək Texnologiyalar Nazirliyində yüksək vəzifədə çalışdığı bildirilir.
Mülki Müdafiə Qoşunlarının komandan müavini vəzifəsində çalışmış Ramin Cəfərovun işdən çıxarılmasına gəlincə, bu barədə məlumat yeni yayılsa da, generalın əslində bir neçə il əvvəl vəzifəsinin itirdiyi bildirilir. İddialara görə, Ramin Cəfərovun işdən çıxarılmasının kökündə onun qalmaqallı şəxs olması dayanır.
2016-cı ildə Ramin Cəfərovun adı silahlı insidentdə hallanırdı. Həmin vaxt mətbuatda Binəqədi Rayon Polis İdarəsinə istinadən yayılan məlumatlarda bildirilirdi ki, Bakının 6-cı mikrorayon ərazisində “Lexus” avtomobilini idarə edən (dövlət nömrə nişanı 90 SH 900) Ramin Cəfərov Füzuli rayon Polis Şöbəsinin ictimai təhlükəsizlk şöbəsinin sahə müvəkkili Rafael Xudiyevə tapança çəkib.
İlkin təhqiqat zamanı müəyyən olunub ki, gecə saat 02.00-da S.Məmmədov küçəsində Baş Xüsusi Dövlət Mühafizə İdarəsinin 31 yaşlı zabiti Famil Quliyevlə FHN-in xidmət rəisi, 39 yaşlı general-mayor Ramin Cəfərov arasında münaqişə yaranıb. Quliyev “Mercedes” markalı avtomobilin, Cəfərov isə “Lexus”un sükanı arxasında olub.
Münaqişənin kökündə sürücülərin bir-birlərinə yol verməməsi olub. İddialara görə, general Ramin Cəfərov Famil Quliyevi təhqir edərək hadisə yerindən uzaqlaşıb. Bu zaman Famil Quliyevin arxasınca “Opel” markalı avtomobili ilə hərəkət edən tanışı-sahə müvəkkili Rafael Xudiyev generalın avtomobilinin arxasınca düşərək onu ötüb və qarşısını kəsib. Ramin Cəfərov bundan qəzəblənərək maşından düşüb və “Jeriko” markalı tabel silahını çıxararaq polisə tuşlayıb.
Lakin polis generala yumruq zərbəsi endirib və onun silahını əlindən alıb. Daha sonra hadisə yerinə Binəqədi Rayon Polis İdarəsinin əməkdaşları gəlib. Onların izahatı alınaraq sərbəst buraxılıb. İş üzrə materiallar Binəqədi Rayon Prokurorluğuna verilib. Bu iddialar təkzib olunmayıb.
İddia olunur ki, hadisə 2016-cı ildə baş versə də, Ramin Cəfərovun işdən çıxarılmasında bu olay da əhəmiyyətli faktora çevrilib.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.