“Exit poll”: Peruda prezident seçkilərində Keyko Fuximori qalibdir
Sağ mərkəzçi "Xalq gücü" Partiyasının namizədi, keçmiş diktator Alberto Fuximorinin qızı Keyko Fuximori Peruda keçirilən prezident seçkilərində qalib gəlib.
“Report” TASS-a istinadən xəbər verir ki, bunu “Ipsos” sosioloji xidmət tərəfindən keçirilən “exit poll”un nəticələri göstərir.
İlkin məlumatlara görə, Fuximori 50,3 % seçici səsi qazanıb. Onun rəqibi, solçu "Azad Peru" radikal partiyasını təmsil edən Pedro Kastilyoya isə seçicilərin 49,7 %-i dəstək verib.
Perunun Mərkəzi Seçki Komissiyası yerli vaxtla 23:30-da (Bakı vaxtı ilə saat 08:30-da) səsvermənin ilkin nəticələrini elan edəcək.
Seçkilərdən bir həftə əvvəl keçirilmiş sosioloji sorğularda paytaxt Limada seçicilərin 2/3-dən çoxu ölkənin keçmiş diktatoru Alberto Fuximorinin qızı Keyko Fuximoriyə səs vermək niyyətində olduğu məlum olub. Seçicilərin demək olar, 1/3-i isə solların namizədini dəstəkləmək niyyətində olduğunu açıqlayıb.
Peruda 70 yaşa qədər seçicilərə səsvermədə iştirak məcburi xarakter daşıyır. Seçkilərin ikinci turunun gedişini 15 xarici nümayəndə heyəti müşahidə edib.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
