banner
banner

Sosİal

Azərbaycanda karantin rejimi yenə yumşaldılır

Azərbaycanda karantin rejimi yenə yumşaldılır

Son günlərdə ölkəmizdə koronavirusla bağlı tendensiya müsbətə doğru dəyişməkdədir. Ötən günün statistikası olduqca ürəkaçan və ümidvericidir - 27 nəfər yoluxan, 162 nəfər isə sağalan olub. Göründüyü kimi, sağalanların sayı yoluxanların sayını dəfələrlə ötür ki, bu da karantin rejimində yeni yumşaldılmaların olacağına ümid verir.

BAKU.WS xəbər verir ki, bunu Trend-ə Milli Məclisin deputatı Afət Həsənova deyib. Deputat bildirib ki, virusun qarşısının alınması ilə bağlı dövlətimiz tərəfindən görülən tədbirlər öz müsbət nəticələrini verir:

“Məlumdur ki, artıq bir sıra sahələrdə yumşaldılmalar həyata keçirilib, pandemiya şərtləri daxilində metronun, idman zallarının, “mall”ların fəaliyyətinə, insanların məscidlərdə namaz qılmasına icazə verilib. Bu yumşaldılmalardan sonra da virusla bağlı müsbət tendensiyanın davam etməsi yeni açılmaların olacağına zəmin yaradır.

Məlumdur ki, hazırda insanların ən çox gözlədiyi xəbər toyların keçirilməsinə icazə verilməsi ilə bağlıdır. Hesab edirəm ki, hazırkı müsbət tendensiya davam edərsə, yaxın zamanlarda toyların da keçirilməsinə icazə verilə bilər. Əlbəttə ki, bu icazə də pandemiya şərtləri daxilində veriləcək”.

A.Həsənova vurğulayıb ki, son zamanlar vaksinasiya prosesində də aktivləşmə var: “Vaksinasiya tətbiq edildiyi ilk zamanlarda müxtəlf şayiələr insanları vaksinasiya prosesindən çəkindirirdi, lakin sonradan bu şayiələrin əsassız olduğu məlum oldu. Eyni zamanda ölkəmizə müxtəlif növdə vaksinlər gətirildi və insanların vaksin seçimi etməsinə imkan yaradıldı ki, bu da öz növbəsində vaksinasiya prosesinə müsbət təsir göstərdi.

Bu, dövlətimizin vətəndaşların sağlamlığına nə qədər önəm verdiyini göstərir. Düşünürəm ki, insanlar vaksinasiya prosesində daha aktiv iştirak etsə və qaydalara ciddi əməl etsə, qısa zaman ərzində əvvəlki həyatımıza dönə bilərik”.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.