banner
banner

Gündəm

FETÖ-nun Azərbaycan rəhbəri necə həbs edilldi? MİT-in xüsusi əməliyyatı

FETÖ-nun Azərbaycan rəhbəri necə həbs edilldi?

İyunun əvvəllərində Qırğızıstanın paytaxtı Bişkek şəhərində yoxa çıxan və Milli İstihbarat Təşkilatının (MİT) keçirdiyi xüsusi əməliyyatla Türkiyəyə aparıldığı prezident Rəcəb Tayyib Ərdoğan tərəfindən bundan təxminən bir ay sonra açıqlanan yüksək rütbəli FETÖ (Fətullahçı terror təşkilatı) mənsubu Orhan İnandının istintaqa verdiyi ifadənin təfərrüatları məlum olub.

Virtualaz.org xəbər verir ki, Orhan İnandı Fətullah Gülən qruplaşmasına üzv olduğunu, 36 ildir bu hərəkatın içərisində yer aldığını etiraf edib. Bu haqda TRT Haber müxbiri bildirir.

 

Orhan İnandı Qırğızıstanda özəl “Sebat” tədris kurslarının rəhbəri olub və neçə vaxtdır bu ölkənin hüquq-mühafizə orqanları onun həbsi və Türkiyəyə ekstradisiyası barədə tələbləri rədd edirdi. İyunun əvvəllərində İnandı yoxa çıxıb, ertəsi gün onun avtomobilini tapıblar, özünün harada olduğu haqda heç bir məlumat əldə etmək mümkün olmayıb. İnandının yoxa çıxmasına görə Qırğızıstanda etirazlar başlayıb və ölkənin hüquq-mühafizə orqanlarının rəhbərləri onun oğurlanmasında iştiraklarının olmadıqlarını bildiriblər. İnandının Qırğızıstandan hansı yolla çıxarıldığı və digər detallar qaranlıq qalır.  

 

Orhan İnandı FETÖ-nun Orta Asiya respublikaları üzrə (Özbəkistan xaric) məsul şəxsi olub. İfadəsində təsdiq edib ki, əvvəlcə hərəkatın Qırğızıstan üzrə məsul şəxsi (yaxud imamı) olub. 2017-ci ildən isə Fətullah Gülənin təlimatı ilə Qırğızıstanla yanaşı Azərbaycan, Qazaxıstan, Türkmənistan və Tacikistan üzrə məsul şəxs olduğunu təsdiqləyib.

İnandı Fətullah Gülənlə dəfələrlə görüşdüyünü də etiraf edib, sonuncu görüşünün bu ilin martında baş tutduğunu bildirib. Türkiyədə 2016-cı il iyulun 15-də baş vermiş hərbi çevriliş cəhdinin iki nömrəli şəxsi,  hazırda axtarışda olan Adil Öksüzü (mülki şəxs olub) şəxsən tanıdığını, onunla Ankarada görüşdüyünü təsdiqləyib. 

O, Qırğızıstanda FETÖ mənsublarına pasport almaqda kömək etdiyini də etiraf edib, bildirib ki, həmin ölkədə diplomatik nömrə nişanlı avtomobillə gəzirdi. Orhan İnandı 26 illik fəaliyyəti ərzində Qırğızıstandakı FETÖ məktəblərindən 20 min nəfərin məzun olduğunu bildirib. Həmin məzunlardan bir çoxunun Qırğızıstanda mühüm vəzifələr tutduğunu deyib.

Dindirmə zamanı İnandı FETÖ barədə “təşkilat” və ya “terror təşkilatı” ifadələrini işlətməyib, təşkilatı “camaat” adlandırıb, Fətullah Gülənə isə “xoca əfəndi” deyib. Onun barəsində həbs qətimkan tədbiri seçilib və həbsxanaya göndərilib.

virtualaz.org

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.