Səhər oyandıqda, duşdan sonra, yatmazdan əvvəl, üzümüzü hər yuduqda dəsmaldan istifadə edirik. Lakin bu dəsmallar cildi quruladığı qədər bəzi fəsadların yaranmasına da səbəb olur.
Axşam.az yanlış istifadə olunduqda üz dərisində əmələ gələ biləcək problemləri və üz dəsmalından düzgün istifadə qaydalarını təqdim edir.
Sızanaq yaradır
Nəmli mühitdə qaldığı halda dəsmallar bakteriya mənbəyinə çevrilir. Dəsmalı üzünüzə sürtdükdə bütün bakteriyaları birbaşa dərinizə daşıyır və nəticədə məsamələrin tıxanmasına səbəb ola bilər.
Dərinin daha tez qocalmasına səbəb olur
Duşdan sonra nəm dəriyə çəkdiyiniz nəmləndirici kremlər daha alt qatlara nüfuz etməsi üçün üzü qurulamaq heç də yaxşı fikir deyil. Bu zaman üst təbəqəyə çəkdiyiniz məhlul dəriyə nüfuz etmədən onu silmiş olursunuz. Bu davamlı olduğu halda cildiniz daha da kobudlaşır və erkən qırışların yaranmasına imkan yaradır.
Cildiniz yağlanacaq
Dəsmal cildi quru etdiyi kimi, bəzi insanlarda tam əksi yağlanmaya sənəb ola bilər. Üzünüzü quruladığınız zaman cildiniz üçün müalicəvi olan təbii yağlar azalmış olur. Dəri ehtiyac duyduğu yağ miqdarını artırmaq üçün daha çox istehsal etməyə başlayır, bu daha çox yağlanmaya və sızanaqların əmələ gəlməsinə səbəb olur.
Düzgün istifadə yolları
Üzünüzlə bədəninizi eyni dəsmalla qurulamayın. Dəsmalı daim nəmli mühitdə, hamamda saxlamayın. Tez-tez yuyun. Yuyarkən tərkibində kimyəvi maddələr çox olan vasitələrdən istifadə etməyin. Üz dəsmalını bütün digər geyimlərinizlə birgə deyil, ayrı yuyun. Uzun müddət eyni dəsmaldan istifadə etməməyə çalışın. Üzünüzü yumşaq toxunuşlarla qurulamağa çalışın.
Astrologiya və numerologiyaya görə doğum ayı insanın xarakteri, davranışları və həyat situasiyalarına reaksiyası haqqında müəyyən təsəvvür yarada bilər. Bəzi insanların isə təbiətən daha sakit, balanslı və konfliktlərdən uzaq olduğu düşünülür.
Ailə ziyafətləri və bayram süfrələri üçün salat hazırlayarkən bərk qaynadılmış yumurtaların qabığının çətin soyulması və ağından hissə-hissə qopması bir çox aşpazın qarşılaşdığı ən böyük problemlərdən biridir.
Boston Universitetinin alimləri müəyyən ediblər ki, qocalmış hüceyrələri məhv edən ABT-263 preparatı yaşlı orqanizmlərdə dərinin zədələnmiş nahiyələrinin daha tez sağalmasını sürətləndirə bilər.
Gündəlik gigiyena qaydası hesab etdiyimiz vərdiş əslində eşitmə qabiliyyətini tamamilə itirməyə səbəb ola bilər. Mütəxəssislər illərdir doğru bildiyimiz bu metodun təhlükələrini açıqlayıb.
Yağlı saçlar bir çox insanın ortaq problemidir və çox vaxt yanlış qulluq vərdişlərindən qaynaqlanır. Saçın tez yağlanması həm estetik görünüşə xələl gətirir, həm də saç diblərinin havasız qalmasına səbəb olur.
