NATO-nun aktiv qüvvələrinin sayı 2 dəfədən çox - 13 mindən 30 min hərbçiyə qədər artırılacaq.
Cia.az-ın məlumatına görə, bu haqda hərbi blokun baş katibi Yens Stoltenberq danışıb.
Alyansın saytında bildirilir ki, belə bir qərarın qəbul edilməsinə səbəb dünyada yaranan yeni təhlükələrdir. "Biz Avropada təhlükəsizlik məsələsində kəskin dəyişikliklərlə rastlaşdıq", - deyən NATO başçısı Rusiyanı Ukraynaya qarşı təcavüzkarlıqda ittiham edib. Yens Stoltenberq həmçinin bildirib ki, Avropada da 5 min hərbçidən ibarət əlavə aktiv qüvvələr qrupunun yaradılması planlaşdırılır. Qeyd edək ki, 2014-cü ilin sentyabrında NATO-ya üzv dövlətlər Avropada aktiv qüvvələrin tərkibində artırılmış hərbi hazırlıqlı qrupun yaradılması haqqında təklifi qəbul etmişdilər. Həmin hərbi qruplaşmanın böhran olan ərazilərə göndərilməsi nəzərdə tutulmuşdu. Dekabrda isə Alyans Almaniya, Niderland və Norveçin Hərbi Qüvvələrindən ibarət yüksək hazırlıqlı keçid qrupunun yaradılmasını razılaşdırmışdı. Fevralda həmin hərbi qrupun meyarları da müəyyənləşdirilmişdi. Qrupun 5 minlik quru kontingentindən yaradılması qərara alınmışdı. Yeni yaradılacaq hərbi qrupun hava, hərbi-dəniz və xüsusi təyinatlıların dəstəyilə yaradılması nəzərdə tutulurdu.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.