“Keçəl və daz kişilər düşünür ki, artıq xanımlar onları bəyənməyəcək” – Psixoloq
Keçəl və daz kişilər, yaşından asılı olmayaraq, saç əkdirməyə meyillidir. Hətta yaşlı nəsil bu meyildə cavanlardan irəlidə gedir.
“Bu komplekslə bağlı məsələdir”.
Bunu Cia.az-a psixoloq Vəfa Rəşidova bildirib.
“Son 10-15 ilə nəzər salsaq, insanların psixologiyasında ciddi dəyişikliklər olduğunu görə bilərik. Eyni zamanda, insanlar müxtəlif komplekslərə qapılıblar. Əvvəllər yalnız məşhurlar bu cür prosedurlara üz tutrdular. Amma indi sıravi vətəndaşlar da onlardan geri qalmırlar.
Bunun bir səbəbi sosial şəbəkələrin yaranması, Azərbaycanın dünyaya açılması, başqa ölkələrlə əlaqələrin qurulması, insanların səyahət edib gəzib-görməsi oldu.
Bir sözlə, ətrafda olan insanlar komplekslərimizin yaranmasına səbəb olur. Çünki cəmiyyətimizdə baxımsız insan hər zaman tənqid atəşinə tutulur”.
Psixoloq bəzi insanların məcburiyyət səbəbindən bu yola əl atdığını qeyd edib:
“Kişilər müəyyən zamanlarda saç əkimini məcburiyyətdən edirlər. Pis qarşılanmamaq, pis görünməmək üçün. Toplum psixologiyası, insanların yanaşması və təzyiqi onları buna məcbur edir. Məsələn, saçı az olan biri insanlar üçün sempatik görsənmir, çünki insanların zövqü standartlaşıb”.
Cəmiyyətdə bəzi düşüncələr var ki, kişilər 40-50 yaşdan sonra yeni sevgi axtarışında olurlar və özlərini gəncləşdirmək istəyirlər.
Vəfa Rəşidova bununla bağlı deyir: “Bu məsələdə doğruluq var. Çünki elmdə, psixologiyada aşkarlanmış bir əsasdır. Bu mövzu üzərində illərlə alimlər araşdırma aparıb. 40-50 yaş arası kişilərdə kəskin, aqressiv kompleks yaranır ki, yaşlanıram, aradan çıxıram, formada deyiləm və s. Düşünürlər ki, artıq xanımlar onları bəyənməyəcək. Bu kompleksləri kişilər çox kəskin formada yaşayırlar. Həmin dönəmlərdə ailə daxili münaqişələr də yaşanır”.
Gündəlik gigiyena qaydası hesab etdiyimiz vərdiş əslində eşitmə qabiliyyətini tamamilə itirməyə səbəb ola bilər. Mütəxəssislər illərdir doğru bildiyimiz bu metodun təhlükələrini açıqlayıb.
Yağlı saçlar bir çox insanın ortaq problemidir və çox vaxt yanlış qulluq vərdişlərindən qaynaqlanır. Saçın tez yağlanması həm estetik görünüşə xələl gətirir, həm də saç diblərinin havasız qalmasına səbəb olur.
Gecə saatlarında dırnaq kəsməyin “uğursuzluq gətirdiyi” barədə inanclar hələ də cəmiyyətdə geniş yayılıb. Bu fikir xüsusilə yaşlı nəsil arasında ciddi şəkildə qorunur və nəsildən-nəslə ötürülür.
Ayaqqabı qoxusu insanın özünə inamını azaldan və xüsusilə qapalı məkanlarda tez yayılan bir problemə çevrilə bilir. Bu qoxunun əsas səbəbi təkcə tərləmə deyil. Əsas problem tərlə birlikdə yaranan nəm mühitdə sürətlə çoxalan bakteriyalardır. Bu mikroorqanizmlər tərdəki zülalları parçalayaraq pis qoxuya səbəb olan maddələr əmələ gətirir. Hava keçirməyən ayaqqabılar bu prosesi daha da sürətləndirir. Gün boyu ayaqda qalan ayaqqabı bakteriyalar üçün ideal mühit yaradır.
Buğa, Şir və Oxatan bürcləri üçün qeyri-müəyyənlik dövrü başa çatır, yerini şans və imkanlarla dolu yeni mərhələ alır. Astroloqların fikrincə, bu 3 bürc üçün ilin qalan hissəsi karyera yüksəlişi, maliyyə artımı və sevgi ilə zəngin bir dövr olacaq.
Hindqozu yağı və soda qarışımının qolaltının rəngini açmağa kömək etdiyi iddia olunur. Soda pilinq təsiri sayəsində dərinin səthində toplanmış ölü hüceyrələrin təmizlənməsinə yardım edir. Hindqozu yağı isə dərini nəmləndirərək qıcıqlanmanı azaltmağa dəstək olur.
