Braziliya Prezidenti Jair Bolsonaru Nyu-York şəhərində restorana buraxılmayıb.
Cia.az xəbər verir ki, bu barədə məlumatı “Reuters” agentliyi yayıb.
Məlumata əsasən, BMT Baş Assambleyasının növbəti sessiyasına qatılmaq üçün Nyu-Yorkda səfərdə olan Bolsonaru səfərinin ilk günü yeməyini küçədə yeməli olub. Buna səbəb isə J. Bolsonarunun koronavirusa qarşı peyvənd olunmamasıdır. Nyu-Yorkda isə restorana daxil olmaq istəyən şəxs COVID-19-a qarşı peyvənd olunduğuna dair sənəd təqdim etməlidir.
Qeyd edək ki, Braziliya Prezidenti vaksinlərə qarşı skeptik mövqeyə sahibdir və bu günə qədər koronavirusa qarşı peyvənd olunmadığını tez-tez fəxrlə dilə gətirir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.