Tanınmış aparıcılar Elçin Əlibəyli və Turan İbrahimovun “Space” TV ilə yollarını ayırması barədə xəbərlər yayılıb.
Məsələ ilə bağlı Cia.az-a açıqlama verən Əlibəyli bunun həqiqətə uyğun olmadığını deyib. O, telekanalın yeni mövsüm anonsunda yer almamasını belə izah edib:
“Həmin anons yeni simalara aiddir. Bizim anonsumuz ayrı çəkiləcək. Verilişimin yayımı davam edəcək”.
Aparıcı Turan İbrahimov isə yeni rəhbərliyin təkidli xahişlərinə baxmayaraq, bu mövsüm “Space” TV-də olmamaq qərarını verdiyini bildirib.
“Səbəb isə ümumilikdə TV işinə həvəsimin qalmamasıdır”,- deyə İbrahimov feysbukda yazıb. Aparıcının sözlərinə görə, hazırda əsas hədəfi öz işlərini böyütmək, PR, media və kommunikasiya mütəxəssisi kimi şirkətlərlə əməkdaşlığını genişləndirməkdir.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
