Avstriya kansleri Sebastyan Kurts prokurorluq tərəfindən ona qarşı aparılan korrupsiya əleyhinə araşdırma fonunda istefa verib.
Cia.az “RİA Novosti”yə istinadən xəbər verir ki, bu barədə o özü məlumat verib:
“İndi sabit əlaqələrə ehtiyacımız var, buna görə də çıxılmaz vəziyyəti aradan qaldırmaq, xaosun qarşısını almaq və stabilliyi təmin etmək üçün kənara çəkilmək istəyirəm. Xalq Partiyası komandasından işini davam etdirməsini xahiş etmişəm”.
Kurts qeyd edib ki, partiya sədri olaraq yeni hökumət başçısı postuna federal prezident Aleksander Şallenberqin namizədliyini irəli sürüb. Şallenberq hazırda ölkənin xarici işlər naziridir.
Kurtsun sözlərinə görə, kansler postundan getsə də, partiyanın sədri və parlamentdəki fraksiyasının rəhbəri olaraq qalacaq.
Qeyd edək ki, Sebstyan Kurts prokurorluğun ona qarşı qaldırdığı korrupsiya və rüşvət ittihamlarını rədd edir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.