20 ildə Rusiyadan 5 milyonadək adam mühacirət edib
İyirmi il ərzində – 2000-2020-ci illərdə Rusiyanın 5 milyon nəfərədək vətəndaşı ölkədən mühacirət edib.
Cia.az saytının məlumatına görə, statistikanı Rusiyanın “Daha dəqiq desək” platforması açıqlayıb.
Jurnalistləri, sahibkarları, vətəndaş cəmiyyəti nümayəndələrini birləşdirən platforma sosial problemlərin tədqiqatı üzrə ixtisaslaşıb.
Platformanın əməkdaşları Rusiyadan mühacirət axınını hesablayarkən Dövlət Statistika Xidmətinin və mühacirləri qəbul etmiş Qərb ölkələrinin məlumatlarına əsaslanıblar.
Hesablamaya görə, hər il Rusiyanı 276 min nəfərdən 309 min nəfərədək adam tərk edir.
Onlar əsasən MDB ölkələrinə, Avropa və Şimali Amerika dövlətlərinə üz tuturlar.
Rusiyadan mühacirət axını daha çox 2016-2019-cu illərdə olub. Həmin illərdə ölkəni 1 milyon 186 mindən çox adam tərk edib.
2006-2011-ci illərdə ölkədən köçənlərin sayı təxminən 698 min nəfər olub.
Mühacirət edənlərin yarıdan çoxu 20-40 yaşlarındadır. Onların ölkəni tərk etməsinə gətirib çıxaran əsas səbəblər təhlükəsiz, sabit həyat tapmaq və övladlarının (yaxud gələcək övladlarının) qayğısına qalmaq istəyidir.
Rusiyalı mühacirlərin yarısı üz tutduğu ölkələrdə mütəxəssis kimi çalışır, üçdə bir hissəsi isə bizneslə, yaxud başqa özəl fəaliyyətlə məşğuldur.
Rusiyadan gedənlərin 79%-i yaşadığı ölkədən razıdır.
Şikayətlər əsasən tibb və təhsil sahələri ilə bağlıdır.
“Daha dəqiq desək” platformasının 900 rusiyalı mühacir arasında keçirdiyi sorğu zamanı respondentlərin yalnız 4%-i vətənə qayıtmaq niyyətində olduğunu söyləyib. 26%-i isə sadəcə bunun mümkünlüyünü istisna etməyib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.