Rusiyanın Hərbi-Dəniz Donanmasının və Çinin Hərbi-Dəniz Qüvvələrinin gəmiləri ilk dəfə olaraq Sangar boğazından birgə keçiblər.
Cia.az “TASS” agentliyinə istinadən xəbər verir ki, sözügedən boğaz Yaponiyanın Honsyu və Hokkaydo adalarının arasında yerləşir.
Yaponiya Baş nazirinin müavini Yoşihiko İsozaki Tokioda keçirilən mətbuat konfransı zamanı bildirib ki, 5 Rusiya və 5 Çin gəmisi oktyabrın 18-i eyni anda Sakit okean istiqamətində Sanqar boğazından keçiblər.
“İlk dəfədir belə bir hadisə baş verir. Rusiya və Çin gəmilərinin Yaponiya bölgəsində fəaliyyətlərini diqqətlə izləyirik”, - deyə o qeyd edib.
Bununla yanaşı, Yaponiya Müdafiə Nazirliyi gəmilərin keçidinin beynəlxalq qaydalara uyğun olaraq həyata keçirildiyini vurğulayıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.