Tehranın nüvə proqramı ətrafında yaradılmış böhrana son qoyulacaq. Bu barədə İranın xarici işlər naziri Məhəmməd Cavad Zərif bildirib. O, Twitter səhifəsində yazıb: "Hazırda danışıqlar davam etdirilir. Amma yekun razılaşma üçün qarşıda hələ ağır işlər var". ABŞ-ın dövlət katibi Con Kerri iki gün əvvəl İranla razılaşmaya qarşı çıxanları, xüsusilə Konqres üzvlərini isteriyanı kənara qoymağa çağırıb. İranla danışıqlarda ABŞ, Rusiya, Böyük Britaniya, Fransa və Almaniya iştirak edir. Tərəflər bu il aprelin 2-də İsveçrədə məsələ ilə bağlı çərçivə sazişi imzalayıblar və iyunun 30-dək yekun razılıq əldə olunmalıdır. Əsas hədəf İranın nüvə proqramının dayandırılması və əvəzində ona qarşı sanksiyaların aradan qaldırılmasıdır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.