Daxili qulaqda bədənimizin müvazinətini nizama salan mürəkkəb sistem - vestibulyar aparatı yerləşir. Bu vestibulyar aparatında xüsusi maye - labirint mayesi olur. Bəzən müxtəlif səbəblərə görə bu mayenin miqdarı artır ki, nəticədə bu daxili qulaqda təzyiqin artmasına səbəb olur. Bu isə qulaqlarda küy, güclü başgicəllənməsi, ürəkbulanması, qusma kimi pozulmalara gətirib çıxardır. Həmçinin Menyer xəstəliyi nəticəsində insan tədricən eşitmə qabiliyyətini itirir.
Saglamolun.az xəbər verir ki, adətən xəstəlik 1 qulaqda, bəzən isə hər iki qulaqda inkişaf edir. Xəstəlik əsasən 20-50 yaşlar arasında inkişaf edir, lakin bəzən bu xəstəliyə uşaqlarda da təsadüf edilir.
Xəstəliyin inkişafının əsas səbəbi indiyədək məlum deyil. Tibdə bu xəstəliyin inkişafı haqqında müxtəlif nəzəriyyələr mövcuddur:
- duz-su balansının pozulmaları
- allergiya xəstəlikləri
- endokrin xəstəliklər
- damar xəstəlikləri
- virus xəstəlikləri
- immun pozulmaları və s.
Menyer xəstəliyinin simptomları:
- eşitmənin tədricən pisləşməsi (illər keçdikcə insanda karlıq inkişaf edə bilər)
- başgicəllənməsi (20 dəqiqədən bir neçə saata və hətta bir neçə günə kimi davam edə bilər). Bu xəstəliyin ən ağır simptomudur. Xəstəliyin ağır formalarında insan hətta bir neçə gün ərzində yataqdan qalxa bilmir, ayaq üstə dayana bilmir.
- qulaqlarda küy
- ağır tutmalar zamanı: ürəkbulanması və qusma, dərinin solğun olması, tərləmənin artması, bədən hərarətinin aşağı düşməsi, tezləşmiş sidik ifrazı, müvazinətin saxlaya bilməməsi. Simptomlar hərəkət zamanı artır.
Menyer xəstəliyindən əziyyət çəkən insanların emosional sferası qeyri-sabit olur, onların əhval-ruhiyyəsi tez-tez dəyişilir.
Xəstəliyin diaqnostikası LOR həkimi tərəfindən həyata keçirilir.
Müalicə əsasən dərmanların köməyi ilə aparılır. Bəzən xəstəliyin ağır formalarında cərrahi müalicə tətbiq edilə bilər.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.
