İngiltərədə aparılan elmi araşdırmaya görə axşam saat 22:00-23:00 arasında yatmaq ürək-damar sağlamlığı üçün çox faydalıdır.
"Biobank"ın 88 000 insan üzərində apardığı araşdırmaya görə, bədənin bioloji saatına əsasən düzgün vaxtda yatmaq infarkt və insult riskini azaldır, qan təzyiqinə müsbət təsir göstərir ki, bu da sağlam həyat üçün çox vacibdir.
Araşdırma aparılarkən könüllülərin yuxu və oyanma saatları ilə bağlı məlumatlar toplanıb. Həftənin hər günü davam edən araşdırma orta hesabla altı il davam edib. Bu müddət ərzində araşdırmada iştirak edənlərin ürək-damar sağlamlığına nəzarət edilib.
Araşdırmanın nəticələri Avropa Kardiologiya Cəmiyyətinin akademik nəşri olan "European Heart" jurnalında dərc olunub. Məlum olub ki, cəmi 3 min nəfərdə ürək-damar xəstəlikləri var. Tədqiqatda iştirak edən könüllülərin əksəriyyəti saat 22:00-23:00-dan əvvəl və ya sonra yatıblar ki, bu da “ideal” sayılır.
"Exeter" universitetinin professoru Devid Plans bu haqda qeyd edib: "Araşdırmanın nəticəsi haqda qəti bir fikir deyə bilməsək də, araşdırma göstərir ki, erkən və ya gec yatmaq bədən saatına daha çox təsir edir və bu, ürək sağlamlığı üçün mənfi nəticələrə səbəb olur. Ən risklisi gecə yarısından sonra yatmaqdır".
Digər mütəxəssis Regina Giblin isə qeyd edib: “Aparılan araşdırma onu göstərir ki, ürək sağlamlığını qorumaq istəyənlər üçün saat 22:00-23:00 arası ideal zamandır. Lakin unutmamalıyıq ki, bu, qəti bir nəticə deyil. Yuxu vaxtı və müddəti ilə bağlı daha çox araşdırma aparılmalıdır".
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.