banner
banner

Gündəm

Rusiyanın baş naziri İrəvana gəldi

Rusiyanın baş naziri İrəvana gəldi

Rusiyanın baş naziri Mixail Mişustin iki gün (noyabrın 18-19-da) davam edəcək işgüzar səfərlə İrəvana gəlib.
Cia.az xəbər verir ki, Ermənistanın paytaxtında Rusiya Nazirlər Kabinetinin rəhbəri Avrasiya İqtisadi İttifaqının (Aİİ) Hökumətlərarası Şurasının iclasında iştirak edəcək.

Mişustinin bu gün Qırğızıstanın baş naziri Akılbek Japarovla danışacağı gözlənilir. Daha sonra Belarus hökumətinin başçısı Roman Qolovçenko ilə görüş planlaşdırılır.

Günün ikinci yarısında Avrasiya Hökumətlərarası Şurasının dar tərkibli iclası keçiriləcək. Geniş iclas noyabrın 19-da baş tutacaq. Qarşıdan gələn iclas 2015-ci il yanvarın 1-də Aİİ-nin fəaliyyətə başlamasından bəri sayca 29-cu, bu il isə dördüncü iclas olacaq. 2021-ci ilin əvvəlki görüşləri fevralın 5-də Qazaxıstanın Almatı şəhərində, 29-30 apreldə Kazanda və 19-20 avqustda Qırğızıstanın Çolpon-Ata şəhərində keçirilib.

Gündəliyə birlik çərçivəsində inteqrasiyanın dərinləşdirilməsi ilə bağlı təxirəsalınmaz vəzifələr daxildir.

“Daxili bazarın fəaliyyətinə, aqrar-sənaye kompleksinin inkişafına, metallurgiya müəssisələrinin xammal təminatına, habelə ittifaqa üzv dövlətlərin dərman vasitələri və əczaçılıq maddələri ilə təchizatı məsələlərinə xüsusi diqqət yetiriləcək. İclasda qlobal iqlim gündəliyi kontekstində Aİİ üzv dövlətlərinin vəzifələri nəzərdən keçiriləcək”, - Rusiya Nazirlər Kabinetinin mətbuat xidməti bildirib.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.