Rusiyada əcnəbi vətəndaşların sayı kəskin azalıb. Bu barədə Rusiya Federal Miqrasiya Xidmətinin (FMX) rəhbəri Konstantin Romodanovski prezident Putinlə görüşündə açıqlama verib. Onun sözlərinə görə, Rusiyada miqrasiya haqqında qanunu pozan 1 milyon 350 min nəfərdən çox xarici vətəndaşın ölkəyə girişi qadağan edilib. Konstantin Romodanovski bildirib ki, bunun səbəbi Rusiyaya gələn əcnəbilərin sayında azalma ilə bağlı deyil. O bildirib ki, bu, Rusiyada Miqrasiya haqqında qanuna edilən dəyişikliklərlə bağlıdır. Hazırda Rusiya ərazisində 10 milyona yaxın xarici vətəndaşın yaşadığını deyən FMX rəhbəri bildirib ki, dəyişikliklərdən sonra Rusiyaya işləmək üçün gələn bəzi ölkə vətəndaşlarının sayında azalma müşahidə edilir. Qeyd edək ki, Putin 2014-cü ilin sonunda Miqrasiya qaydalarını pozan şəxslərin Rusiyaya girişini 10 il müddətinə qadağan edən qanunu təsdiqləmişdi.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.