Rusiya Prezidenti Vladimir Putin Belarusa yeni səfir təyin edib.
Cia.az TASS-a istinadən verdiyi xəbərə görə, bu barədə Rusiya Prezidenti fərman imzalayıb.
Fərmana əsasən Boris Qrızlov Rusiya Federasiyasının Belarus Respublikasında fövqəladə və səlahiyyətli səfiri təyin olunub.
Prezidentin digər fərmanı ilə 2021-ci ilin martından Rusiyanın Minskdəki diplomatik missiyasına rəhbərlik edən Yevgeni Lukyanov geri çağırılıb.
Boris Qrızlov müxtəlif illərdə daxili işlər naziri, Dövlət Dumasının spikeri olub. Qrızlov son illərdə Şərqi Ukraynadakı vəziyyətin nizamlanması üzrə təmas qrupunda Rusiyanın səlahiyyətli nümayəndəsi, həmçinin “Vahid Rusiya” Ali Şurasının sədri olub.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.