YOLUXMALAR ARTIR: SMS icazə, maska və sərt karantin geri qayıda bilər?
Ölkəmizdə yoluxma sayı getdikcə artır. Bu da, təbii olaraq, insanları narahat edir. Yoluxma kəskin artsa, SMS icazə, açıq havada maska taxmaq zərurəti və sərt karantin geri qayıda bilərmi?
Məsələ ilə bağlı sonxeber.az-a infeksionist Vüqar Cavadzadə açıqlama verib.
O bildirib ki, qapanmaya getmənin heç bir mənası yoxdur, çünki yenidən yumşalmalar olan kimi yoluxma sayı da artacaq: "Hazırkı dönəmdə Azərbaycanda sərt karantinə və ya "SMS icazə" xidmətinin tətbiq olunmasına ehtiyac görmürəm. Çünki yoluxma sayı 4500-4800 civarında olanda belə, sərt qapanmalara gedilmədi və "SMS icazə" xidməti bərpa olunmadı.
Bu səbəbdən 1600 yoluxma ilə sərt karantinə getməyə ehtiyac yoxdur. Sərt karantin tətbiq olunması da indiki dönəmdə bir çıxış yolu deyil.
Ölkədə 3 dəfə sərt karantin tətbiq edildi və yumşaldılma olan kimi yenidən artımlar müşahidə başladı. Əgər növbəti həftələrdə, aylarda kəskin artımlar müşahidə edilsə, o zaman bəzi sahələrdə nisbətən sərtləşmələrə getmək olar.
Qapalı yerlərdə maskadan istifadə məcburidir. Gündəlik yoluxma 5 mindən artıq olsa, açıq havada da maska taxılmaq tələbi qoyula bilər. Amma tamamilə sərtləşdirilmə, evdən çıxmaq üçün SMS icazə almaq, hesab edirəm ki, çıxış yolu deyil.
Ölkədə artıq epidemik alovlaşma başlayıb. Bəzi həmkarlarımız buna növbəti dalğa da deyirlər.
Hazırda yoluxma sayı 1600 civarında olsa da, bu hal səhiyyəmizi silkələyəcək bir səviyyə deyil. Bizim kifayət qədər çarpayı fondumuz var və reanimasiyanın da, səhv etmirəmsə, ümumi olaraq 20 faizində xəstə var. Bu gün üçün ciddi bir qorxu yoxdur".
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.